သံအမတ်ကြီး ဦးကျော်မိုးထွန်း Freedom Award ဆု လက်ခံရယူ


သံအမတ်ကြီး ဦးကျော်မိုးထွန်း Freedom Award ဆု လက်ခံရယူ

အမေရိကန် ဝါရှင်တန်ဒီစီတွင် အင်္ဂါနေ့က ပြုလုပ်တဲ့ International Republican Institute (IRI) က ဂုဏ်ပြုချီးမြှင့်သည့် ယခုနှစ်အတွက် လွတ်လပ်ခွင့်ဆု (John McCain Freedom Award 2021) ကို ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်း ဆုချီးမြှင့်ပွဲ အခမ်းအနားသို့ တက်ရောက်ပြီး ဆုလက်ခံရယူခဲ့ကြောင်း သိရပါတယ်။




သံအမတ်ကြီး ဦးကျော်မိုးထွန်းသည် ဖေဖော်ဝါရီ ၁ ရက်က မြန်မာနိုင်ငံတွင် အာဏာသိမ်းခြင်းကို လက်မခံဘဲ ဒီမိုကရေစီအရေး လှုပ်ရှားသူများနှင့် ပူးပေါင်းဆောင်ရွက်ခဲ့ခြင်းကြောင့် ဆုချီးမြှင့်ခံခဲ့ရခြင်း ဖြစ်ကြောင်း သိရပါတယ်။


John McCain Freedom Award 2021 ဆုကို မြန်မာနိုင်ငံမှ ကုသမဂ္ဂဆိုင်ရာ သံအမတ်ဦးကျော်မိုးထွန်းနဲ့အတူ လစ်သူယေးနီးယား ဝန်ကြီးချူပ် Ingrida Symonyte ၊ ဘယ်လာရုစ် နိုင်ငံရေး အကျဉ်းသားတွေအတွက် ပေါင်းစည်းညှိနိုင်းရေး ကောင်စီကိုယ်စားလှယ် Tatsiana Khomich နဲ့ ကျူးဘားနဲ့ဂျာမနီ အနုပညာဆုရရှိထားတဲ့ Willy Chilino တို့ရရှိခဲ့တာ ဖြစ်ပါတယ်။




IRI ဟာ ၁၉၉၅ ခုနှစ်မစပြီး Freedom Award ကို ဒီမိုကရေစီ တိုးတက်မှုအတွက် ကတိကဝတ်ပြုတဲ့ပုဂ္ဂိုလ်တွေ၊ ဒီမိုကရေစီ လွတ်လပ်မှုနဲ့လူသားလွတ်မြောက်မှု ၊ ကမ္ဘာတစ်ဝန်းရှိ သန်းပေါင်းများစွာသော လူတွေအတွက် အခွင့်အလမ်းတွေ ဖန်တီးပေးခဲ့သူတွေကို ဂုဏ်ပြုတာပဲ ဖြစ်ပါတယ်။




အဆိုပါဆုကို ဒေါ်အောင်ဆန်းစုကြည်က ၁၉၉၉ ခုနှစ်မှာ ရရှိခဲ့တယ်လို့လည်း သိရပါ တယ်။




ဓာတ်ပုံ – Pho Khwar