သမီးငယ်လေး ဗစ်တိုးရီးယားကို ပြည်သူတွေထံ အပ်ပါတယ်ဟု ဆရာသက္ကမိုးညိုပြော

2019-08-13 17:34:31


သမီးငယ်လေး ဗစ်တိုးရီးယားကို ပြည်သူတွေထံ အပ်ပါတယ်ဟု ဆရာသက္ကမိုးညိုပြော

သမီးငယ်လေး ဗစ်တိုးရီးယားကို ပြည်သူတွေထံ အပ်ပါတယ်ဟု ဆရာသက္ကမိုးညိုပြော


သမီးလေး ဗစ်တိုးရီးယား အမှုနဲ့ ပတ်သက်ပြီး ကိုယ်စတင် တွေးခဲ့တုန်းက ရိုးရိုးလွယ်လွယ်လေးပဲ။ အချိန်တန်ရင် တရားခံ အစစ်ကို ဆွဲထုတ်ပြနိုင်လိမ့်မယ်။ ကိုယ်ပြောတဲ့ တရားခံ အစစ်ဆိုသော အပိုင်းသည် အောင်ကြီး ဟုတ်ခြင်း မဟုတ်ခြင်းကို ပြောတာ မဟုတ်ဘူး။


တိကျခိုင်မာသော သက်သေ အထောက်အထား ပြနိုင်ခြင်းကိုပဲ ဆိုလိုပါတယ်။ ဒီအန်အေ၊ စီစီတီဗီ စတဲ့ ပစ္စည်းသက်သေ၊ ဆရာမN သမီးငယ်လေး စတဲ့ လူသက်သေ၊ ဒါတွေနဲ့ ဆိုရင် တရားခံ အစစ် ပြေးမလွတ်ဘူးပေါ့။


ဒီလို ဖြစ်မလာတဲ့အခါ တခြားသော မျှော်လင့်ချက်လည်း ထားမိသေးတယ်။ ရုပ်ရှင် ဇာတ်ကားတွေ အကြည့်များလို့လား မသိပါဘူး။ စူပါဟီးရိုးတယောက်ယောက် ပေါ်လာပြီး ဟေ့ယောင်တွေ၊ မင်းတို့ မတရားမလုပ်နဲ့ကွ ဆိုပြီး လူဆိုးတွေကို အလဲထိုးထည့်လိုက်တာမျိုး။ ဒါပေမယ့်လည်း လက်တွေ့ဘ၀ဟာ ဇာတ်လမ်းတွေလိုမှ မဟုတ်တာပဲလေ။


ကျွန်တော်တို့ ဒီအထိ ခရီးပေါက်ခဲ့တာကိုက များလွန်းလှခဲ့ပါပြီ။ ဒီအထိ ရောက်ခဲ့သူ မရှိခဲ့ပါဘူး။ ဒီလိုပဲ အလဲလဲ အကွဲကွဲနဲ့ နောက်ဆုတ် တပ်ခေါက်သွားသူတွေ တပုံကြီးပါ။ ဒီအထိ ခရီးပေါက်အောင် အားပေးခဲ့၊ ဖေးမခဲ့၊ နောက်ကွယ် က ပံ့ပိုးခဲ့ကြတဲ့သူတွေ အများကြီးပါ။


သူတို့ကိုလည်း ကျေးဇူးဆိုပါတယ်။ (အကြောင်းကြောင်းကြောင့်) ရှေ့ကို ထွက်မရသည့်တိုင် စိတ်ဓာတ်ရေးရာ ရပ်တည်ပေးခဲ့သူတွေ၊ ကိုယ်အား၊ ဥာဏ်အားနဲ့ ပံ့ပိုးသူတွေ၊ ပြီးတော့ ပြည်သူတွေ၊ အများကြီးကြောင့် ဒီအမှုဟာ သာမန်သက်ငယ်မုဒိမ်းမှုလေး တမှုလို တိမ်မြုပ် မသွားပဲ ဒီလောက်အထိ ဟိုးလေး တကျော် ဖြစ်ခဲ့တာပါ။


အခုလို ပြောလိုက်လို့ ကျွန်တော်တို့ ရပ်သွားမယ်၊ အားလျော့လိုက်တော့မယ်လို့ ဆိုလိုတာ မဟုတ်ပါဘူး။ အခွင့်ပေး သမျှ ရှေ့ကို ဆက်သွားနေမှာပါပဲ။ ဒါပေမယ့် မိဘတွေရော၊ ကျွန်တော်ရော၊ အားကုန်လုပါပြီ။


နည်းလမ်း ကုန်လုပါပြီ။ ဒါပေမယ့် မမေ့မလျော့ ကိုးစားမိတာ ပြည်သူပါပဲ။ ပြည်သူဟာ ဘယ်တုန်းကမှ ရွေးချယ်မှု မမှားခဲ့ဘူး။ ဘယ်တုန်းကမှ မဖောက်ပြန်ခဲ့ဘူးဖူး။


မနက်ဖြန်ဆို သမီးငယ်လေး အမှုအတွက် ရုံးချိန်း တခေါက် ရောက်ပြန်ပြီ။ သမီးငယ်လေး ဖခင်နဲ့ အဘွားတို့ ထွက်ဆို ကြလိမ့်မယ်။ ၀န်းရံသူတွေ ရှိဦးမှာလား၊ မရှိတော့ဘူးလား။ စိတ်ပျက်သွားကြပြီလား။ ကျွန်တော် မသိပါ။ ကိုယ့်ဘက်မှာ အစကတည်းက ဘာမှ မရှိခဲ့ပါ။ ဒါပေမယ့် ကိုယ့်မှာ ရှိတယ်လို့ သေချာတာက အမှန်တရားနဲ့ အမှန်တရားကို ဆိုမယ့် စကားတွေပါပဲ။


စကားဟာ အမှန်တရားနဲ့ ယှဉ်ပြောရင် သစ္စာထိုက်တယ်တဲ့။ ထပ်ပြောပါ့မယ်။ ကျွန်တော်တို့မှာ ဘာမှ မရှိတော့ပါ။ သစ္စာထိုက်သော စကားတွေနဲ့ပဲ သမီးငယ်လေး ဗစ်တိုးရီးယားကို ပြည်သူတွေလက်ကို အပ်ပါတယ်။


သက္ကမိုးညို (လေးစားမှုဖြင့် ခရက်ဒစ်)


Credit – baganthar