လျှပ်စစ်ခရီးသည်တင်ကားတွေ ပြည်တွင်းဈေးကွက်မှာ ထုတ်လုပ်ဖြန့်ချိနိုင်ဖို့ SAC စီစဉ်နေဟု ဆို


လျှပ်စစ်ခရီးသည်တင်ကားတွေ ပြည်တွင်းဈေးကွက်မှာ ထုတ်လုပ်ဖြန့်ချိနိုင်ဖို့ SAC စီစဉ်နေဟု ဆို

လျှပ်စစ်ခရီးသည်တင်ကား (E-Bus) တွေ ပြည်တွင်းဈေးကွက်မှာ ထုတ်လုပ်ဖြန့်ချိနိုင်ဖို့အတွက် SAC လက်အောက်ခံ ရင်းနှီးမြှုပ်နှံမှုနှင့်


နိုင်ငံခြားစီးပွားဆက်သွယ်ရေး ဝန်ကြီးဌာန၊ ပြည်ထောင်စုဝန်ကြီး ဦးအောင်နိုင်ဦးက SC Auto (Myanmar) Co., Ltdနဲ့ ဆွေးနွေးခဲ့တယ်လို့ သိရပါတယ်။


ဝန်ကြီး ဦးအောင်နိုင်ဦးက နိုဝင်ဘာ ၂၂ ရက်နေ့ နေ့လယ်က SC Auto ရဲ့ ဒါရိုက်တာအဖွဲ့နဲ့ ဗီဒီယိုကွန်ဖရင့်နဲ့ တွေ့ဆုံပြီး လျှပ်စစ်ခရီးသည်တင်ကားတွေ ပြည်တွင်းဈေးကွက်မှာ


ထုတ်လုပ်ဖြန့်ချိနိုင်ရေးနဲ့ လိုအပ်တဲ့ ယာဉ်ပစ္စည်းတွေ တင်သွင်းရာမှာ အခက်အခဲမရှိအောင် ဆောင်ရွက်ပေးမယ့် အစီအစဉ်တွေ ဆွေးနွေးခဲ့တာဖြစ်ပါတယ်။


ဒါ့အပြင် SC Auto ရဲ့ မော်တော်ယာဉ်ထုတ်လုပ်မှုအခြေအနေ၊ ပြည်တွင်းဈေးကွက်မှာ ဖြန့်ဖြူးရောင်းချတဲ့ အခြေအနေနဲ့ ထုတ်လုပ်ပြီးတဲ့ လူစီးဘတ်စ်ယာဉ်တွေကို ပြည်ပကို တင်ပို့မယ့် အစီအစဉ်တွေနဲ့ ပတ်သက်လည်း ဆွေးနွေးခဲ့ပါတယ်။


SC Auto ဟာ ရာနှုန်းပြည့် နိုင်ငံခြားရင်းနှီးမြှုပ်နှံမှုနဲ့ SC NEUSTAR အမှတ်တံဆိပ် ဥရောပ စံချိန်မီ ခရီးသည်တင်ဘတ်စ်ကားတွေ တပ်ဆင်ထုတ်လုပ်ရောင်းချဖို့ ဆောင်ရွက်နေပြီး


တစ်နှစ်ကို ဘတ်စ်ကားစီးရေ ၆၀၀ အထိ ထုတ်လုပ်နိုင်ကာ ထုတ်လုပ်မှုရဲ့ ၅၀ ရာခိုင်နှုန်းကို အာဆီယံနိုင်ငံတွေကို တင်ပို့နိုင်ဖို့ ဆောင်ရွက်နေတယ်လို့ သိရပါတယ်။


ဒါ့အပြင် စင်္ကာပူနိုင်ငံမှာ လျှပ်စစ်ဘတ်စ်ကားထုတ်လုပ်နိုင်ရေးအတွက် သုတေသနလုပ်ငန်းတွေ ဆောင်ရွက်နေပြီး နောက်နှစ်အနည်းငယ်အတွင်းမှာ မြန်မာနိုင်ငံမှာလည်း လျှပ်စစ်ဘတ်စ်ကားတွေ တပ်ဆင်ထုတ်လုပ်နိုင်ဖို့ ပြင်ဆင်ဆောင်ရွက်နေတယ်လို့ သိရပါတယ်။




ပုံစာ-ပြည်ထောင်စုဝန်ကြီး ဦးအောင်နိုင်ဦးက TYTC Service ကုမ္ပဏီရဲ့ ထုတ်လုပ်ခြင်းလုပ်ငန်းဆောင်ရွက်နေပုံတွေကို လိုက်ကြည့်ရှုစဥ်။


Mercury_Media