အမေရိကန်ဒုသမ္မတဟာ သမ္မတအာဏာ ယာယီလွှဲပြောင်းယူမယ့် ပထမဆုံး အမျိုးသမီးဖြစ်လာ


အမေရိကန်ဒုသမ္မတဟာ သမ္မတအာဏာ ယာယီလွှဲပြောင်းယူမယ့် ပထမဆုံး အမျိုးသမီးဖြစ်လာ

အမေရိကန်ဒုသမ္မတဟာ သမ္မတအာဏာ ယာယီလွှဲပြောင်းယူမယ့် ပထမဆုံး အမျိုးသမီးဖြစ်လာ…


အမေရိကန်ဒုတိယသမ္မတ ကမ်မလာဟာရစ်က သမ္မတအာဏာ ယာယီလွှဲပြောင်းအပ်နှင်းခံရတဲ့ ပထမဆုံး အမျိုးသမီးဖြစ်လာမယ်လို့ သိရပါတယ်။


အမေရိကန်သမ္မတဂျိုးဘိုင်ဒန် ပုံမှန်ကျန်းမာရေးစစ်ဆေး ခံယူနေစဥ်အတွင်း ဒုသမ္မတဖြစ်တဲ့ ဟာရစ်ကို သမ္မတအာဏာ ယာယီလွှဲပြောင်းပေးထားမယ်လို့ သိရပါတယ်။


အခု ကျန်းမာရေးစစ်ဆေးမှုဟာ ဘိုင်ဒန်အနေနဲ့ သမ္မတအဖြစ် ပထမဆုံးအကြိမ် ကျန်းမာရေးစစ်ဆေးမှုလည်းဖြစ်ပြီး ၎င်းရဲ့ အသက် ၇၉ နှစ်ပြည့် မွေးနေ့မတိုင်မီ ပြုလုပ်တာဖြစ်ပါတယ်။


သမ္မတအာဏာ လွှဲပြောင်းအပ်နှင်းခံရမယ့် ဟာရစ်ဟာ အမေရိကန်ရဲ့ စစ်တပ်နဲ့ နျူကလီးယားလက်နက်တွေကို ယာယီ ထိန်းချုပ်သွားမယ်လို့ သိရပါတယ်။


“ဒုတိယသမ္မတက ဒီအချိန်ကာလအတွင်း West Wing မှာရှိတဲ့ သူမရဲ့ရုံးခန်းကနေ အလုပ်လုပ်သွားမှာပါ” လို့ အိမ်ဖြူတော် သတင်းထုတ်ပြန်ရေး အကြီးအကဲ ဂျန် ပက်စကီက ထုတ်ပြန်ချက်မှာ ပြောထားပါတယ်။


ဟာရစ်ဟာ ပထမဆုံး အာရှအမေရိကန်နဲ့ အာဖရိကန်အမေရိကန် အမျိုးသမီး ဒုတိယသမ္မတတစ်ဦးအဖြစ်လည်း မှတ်တမ်းဝင်ခဲ့သူ ဖြစ်ပါတယ်။


အခုလို အခြေအနေမှာ သမ္မတအာဏာ ယာယီလွှဲပြောင်းမှုဟာ မကြုံစဖူးအဖြစ် မဟုတ်ကြောင်းနဲ့ အမေရိကန် ဖွဲ့စည်းပုံအခြေခံဥပဒေမှာ ပြဌာန်းထားတဲ့ လုပ်ငန်းစဥ်အစိတ်အပိုင်းဖြစ်ကြောင်း ဂျန် ပက်စကီက ဆိုပါတယ်။


Mercury_Media