ဘတ်စ်ကက်ဘော အကျော်အမော် KOBE BRYANT ရဟတ်ယာဉ်ပျက်ကျ ကွယ်လွန်

2020-01-27 11:59:31


ဘတ်စ်ကက်ဘော အကျော်အမော် KOBE BRYANT ရဟတ်ယာဉ်ပျက်ကျ ကွယ်လွန်

ဘတ်စ်ကက်ဘော အကျော်အမော် KOBE BRYANT ရဟတ်ယာဉ်ပျက်ကျ ကွယ်လွန်


အမေရိကန် ဘတ်စ်ကက်ဘော အကျော်အမော် Kobe Bryant တယောက် တနင်္ဂနွေနေ့က ရဟတ်ယာဉ်ပျက်ကျပြီး ကွယ်လွန်သွားတဲ့အတွက် ကမ္ဘာ့အားကစားလောကက ဝမ်းနည်းကြေကွဲနေကြပါတယ်။


Kobe Bryant ဟာ လော့စ်အိန်ဂျလိစ်မြို့ အနောက်မြောက်ဘက် မိုင် ၅၀ ခန့်အကွာ Calabasas တောင်ကုန်းဒေသမှာ ရဟတ်ယာဉ်ပျက်ကျလို့ သေဆုံးသွားတဲ့ ၉ ဦးအနက် ၁ ဦးအပါအဝင် ဖြစ်တယ်လို့ လော့စ်အိန်ဂျလိစ် Couty ရဲတပ်ဖွဲ့က ပြောပါတယ်။


ရဟတ်ယာဉ်ပျက်ကျလို့ ကွယ်လွန်တဲ့အထဲမှာ အသက် ၁၃ နှစ်အရွယ် သူ့သမီးငယ် Gianna လည်း ပါဝင်တယ်လို့ ဆိုပါတယ်။


တနင်္ဂနွေနေ့ မနက်ပိုင်းက မြူတွေထူထပ်နေတဲ့ အတွက်ကြောင့်လား ဘာအကြောင်းကြောင့် ရဟတ်ယာဉ်ပျက်ကျရသလဲ ဆိုတာကို အာဏာပိုင်တွေက တစုံတရာ ပြောကြားခြင်း မရှိသေးပါဘူး။


Bryant ဟာ လော့စ်အိန်ဂျလိစ်မြို့မှာ ကစားပွဲတွေရှိတိုင်း မော်တော်ယာဉ် ပိတ်ဆို့မှုကို ရှောင်လွှဲလိုတဲ့အတွက် ကိုယ်ပိုင်ရဟတ်ယာဉ်နဲ့ သွားလေ့ရှိတယ်လို့ သိရပါတယ်။


Bryant ဟာ အကြီးကျယ်ဆုံး ကြေးစား ဘတ်စ်ကက်ဘောသမားတဦးအဖြစ် သမိုင်းမှာ မှတ်တမ်းတင်ခြင်း ခံထားရသူဖြစ်ပါတယ်။ သူဟာ ဘတ်စ်ကက်ဘော လောကကနေ ၂၀၁၆ မှာ အနားယူခဲ့တာဖြစ်ပါတယ်။ အဲဒီနောက်ပိုင်း သူရေးသားခဲ့တဲ့ “Dear Basketball” ဆိုတဲ့ ကဗျာကို သရုပ်ဖော်ကာတွန်း ရုပ်ရှင်ကားအဖြစ် ရိုက်ကူးခဲ့ပြီး ၂၀၁၈ ကာတွန်းကားဇာတ်လမ်းတို အော်စကာဆု ရရှိခဲ့ပါတယ်။


VOA Burmese News