ဆီးချိုကိုကျစေတဲ့အပြင် ကင်ဆာကိုပါ ကာကွယ်နိုင်ပေးတဲ့ ကင်းပုံသီးနဲ့ ကင်းပုံရွက်

2019-08-08 23:51:07


ဆီးချိုကိုကျစေတဲ့အပြင် ကင်ဆာကိုပါ ကာကွယ်နိုင်ပေးတဲ့ ကင်းပုံသီးနဲ့ ကင်းပုံရွက်

ဈေးမှာလွယ်လွယ်ဝယ်လို့ရပြီး စားလို့ကောင်းတဲ့ ကင်းပုံသီးကို သိပ်စိမ်းကြမယ်မထင်ပါဘူးနော်။ ကင်းပုံသီးကြော်က


ထမင်းစားမြိန်စေတဲ့ အရံဟင်းလေးတစ်ခွက်ပါ။ ဟိုအရင်ကဆို ခြံစည်းရိုးတွေမှာ အလေ့ကျပေါက်တဲ့ နွယ်ပင်လေးတွေပေါ့။


ဒီလိုနွယ်တက်နေတဲ့ ကင်းပုံညွန့်လေးတွေကိုလည်း ပြုတ်တို့လို့ရ၊ ကြော်ချက် သို့မဟုတ် ဟင်းချိုချက်သောက်လို့ရတယ်ဆိုတာရော သိကြပါသလား။


အာရှနဲ့ အာဖရိကနိုင်ငံတွေမှာ စားသုံးလေ့ရှိတဲ့ အသီးနဲ့အရွက်ဖြစ်ပြီး ကင်းပုံပင်က ကိုယ်တွင်းဇီဝဖြစ်စဉ်ကိုတိုးတက်စေတယ်၊


သွေးတွင်းသကြားဓာတ်ကိုထိန်းညှိပေးတယ်၊ ဆီးချိုကာကွယ်တယ်၊ နှလုံးနဲ့ အာရုံကြောစနစ်အတွက်ကောင်းတယ် စသည်ဖြင့်


ယုံကြည်ကြပါတယ်။ လေ့လာမှုတချို့အရဆို ကျောက်ကပ်ကျောက်တောင် ကြေစေနိုင်ပါတယ်တဲ့။


ဘယ်လိုဆေးဖက်ဝင်တာလဲ


#သွေးတွင်းသကြားဓာတ်ကို ထိန်းညှိပေးတယ်


ရှေးခေတ်ဆေးပညာမှာ ကင်းပုံကို ဆီးချိုရောဂါကုသရာမှာ အသုံးပြုခဲ့ကြပါတယ်။ ကင်းပုံပင်ရဲ့ ရိုးတံနဲ့အရွက်ကို ကြော်ချက်တာ


ဒါမှမဟုတ် ဟင်းချိုခတ်သောက်တာဖြစ်ပါတယ်။ တစ်ပတ်ကို နှစ်ကြိမ်လောက် စားပေးခြင်းအားဖြင့် ဆီးချိုအတက်အကျ ထိန်းနိုင်စေပါတယ်တဲ့။


#အဝလွန်မဖြစ်အောင် ကာကွယ်ပေးတယ်


ကင်းပုံသီးက အဝလွန်ခြင်းကိုကာကွယ်ပေးနိုင်တယ်လို့ သုတေသနက ဖော်ပြထားပါတယ်။ သူက အဆီဆဲလ်မဖြစ်ခင်အခြေအနေမှာ


ကြိုတင်တားဆီးပေးတာဖြစ်ပြီး ဇီဝဖြစ်စဉ်ကိုနှုန်းပိုမြန်စေပြီး သွေးတွင်းသကြားဓာတ်ကို လျော့ကျစေပါတယ်။


#မောပန်းနုံးချိခြင်း


သံဓာတ်ဟာ ခန္ဓာကိုယ်ရဲ့လုပ်ဆောင်ချက်တွေအတွက် မရှိမဖြစ်ဓာတ်တစ်မျိုးပါ။ ကင်းပုံသီးမှာ သံဓာတ် ၁.၄ မီလီဂရမ်ပါဝင်လို့


သွေးအားနည်းခြင်း၊ မောပန်းနုံးချိခြင်းတွေကို ပြေပျောက်စေပါလိမ့်မယ်။ သံဓာတ်အားနည်းရင် ဖြစ်တတ်တဲ့ သွေးအားနည်းတာ


အပါအဝင် တခြားလက္ခဏာတွေကိုပါ သက်သာစေတယ်လို့သိရပါတယ်။


#အာရုံကြောကောင်းစေတယ်


ဖရဲသီးလိုပဲ ကင်းပုံသီးမှာလည်း B2လိုမျိုး ရေမှာပျော်ဝင်တဲ့ ဗီတာမင်တွေပါဝင်ပါတယ်။ ဒါ့အပြင် အာရုံကြောစနစ်ကို ပိုကောင်းမွန်စေနိုင်တဲ့


သတ္တုဓာတ်တွေ၊ အာဟာရဓာတ်တွေနဲ့ ဓာတ်တိုးဆန့်ကျင်ပစ္စည်းတွေလည်းပါဝင်တယ်။ အတက်ရောဂါ၊ အယ်လ်ဇိုင်းမားရောဂါတွေကိုလည်း သက်သာစေနိုင်ပါတယ်။


#ဇီဝဖြစ်စဉ်ကို ကောင်းမွန်စေတယ်


Thiamine က ကာဗိုဟိုက်ဒရိတ်တွေကို ဂလူးကို့စ်အဖြစ်ပြောင်းလဲပေးတယ်၊ ခန္ဓာကိုယ်ရဲ့ခွန်အားကိုဖြည့်တင်းပေးပြီး ဇီဝဖြစ်စဉ်ကို


ထိန်းညှိပေးတဲ့ အာဟာရဓာတ်ဖြစ်ပါတယ်။ ကင်းပုံသီးမှာပါတဲ့ Thiamine က သွေးကလာပ်စည်းတွေထဲကို ဝင်ရောက်ပြီး ခွန်အားပိုဖြစ်ပေါ်စေတာပါ။


ဒီဓာတ်ကြောင့်ပဲ သွေးနီဥဆဲလ်တွေကိုလည်း ထုတ်လုပ်နိုင်စေပြီး မျိုးဗီဇဆိုင်ရာရောဂါများကိုလည်း ကုသပေးနိုင်ပါတယ်။


#အစာခြေစနစ်ကို ကောင်းမွန်စေတယ်


ကင်းပုံသီးက အစာခြေစနစ်ကို အမျှင်ဓာတ်နဲ့အထောက်အပံ့ပေးပါတယ်။ ဒါ့ကြောင့် ဝမ်းချုပ်ခြင်း၊ အနာဖြစ်ခြင်းတို့လို အစာအိမ်နဲ့


အူလမ်းကြောင်းရောဂါတွေကိုလည်း ကုသပေးနိုင်ပါတယ်။


#ကျောက်ကပ် ကျောက်မတည်အောင်ကာကွယ်ပေးတယ်


ကျောက်တည်တယ်ဆိုတာ ကယ်လ်စီယမ်နဲ့တခြားသတ္တုဓာတ်တွေက ဆီးလမ်းကြောင်းအတွင်း အနည်ထိုင်စုပြီး အခဲပုံစံဖြစ်သွားတာပါ။


ထိုက်သင့်တဲ့ပမာဏထက်ကျော်ပြီး အငန်စားတာများရင် ကျောက်ကပ်ကျောက်တည်နိုင်ပါတယ်။ ကင်းပုံသီးမှာပါတဲ့ ကယ်လ်စီယမ်က


ကျန်းမာရေးအတွက်ကောင်းပြီး ဟင်းနုနွယ်လိုတခြားဟင်းသီးဟင်းရွက်တွေနဲ့တွဲစားရင် ကျောက်ကပ်ကျောက်ကိုကြေစေနိုင်ပါတယ်။


#ဓာတ်မတည့်မှုတွေ မဖြစ်စေဘူး


ကင်းပုံက saponin၊ alkaloids၊ steroids၊ flavonoids နဲ့ glycosides တို့ကြွယ်ဝတာကြောင့် ခန္ဓာကိုယ်ကို ဓာတ်မတည့်မှုတွေမဖြစ်အောင်လည်း ကာကွယ်ပေးနိုင်ပါတယ်။


#ကင်ဆာကာကွယ်တယ်


ကင်းပုံသီးရဲ့ဓာတ်တိုးဆန့်ကျင်အာနိသင်တွေနဲ့ ဘီတာကယ်ရိုတင်းကြွယ်ဝမှုကြောင့် ကင်ဆာကိုကာကွယ်နိုင်ပါတယ်။ ဒီဓာတ်တွေက


အကျိတ်ဆဲလ်တွေကြီးထွားမှုကို နှိမ်နင်းနိုင်ပြီး ကင်ဆာဆဲလ်တွေပြန့်ပွားခြင်းကို တားဆီးနိုင်ပါတယ်။


#နှလုံးကျန်းမာရေးအတွက်ကောင်းတယ်


ကင်းပုံသီးမှာ ပိုတက်စီယမ်လည်းကြွယ်ဝပါတယ်။ ပိုတက်စီယမ်က သွေးလည်ပတ်မှုကို ထိန်းညှိပေးပြီး နှလုံးကျန်းမာရေးကို ကောင်းမွန်စေတယ်၊


နှလုံးရောဂါတွေမဖြစ်အောင် ကာကွယ်ပေးနိုင်ပါတယ်။


ဒါပေမယ့် ဆေးဖက်ဝင်တယ်ဆိုတိုင်း စွတ်မစားကြဖို့တော့လိုပါမယ်နော်။ ထိုက်သင့်သလောက်ကို မကြာမကြာထည့်စားလို့ရပေမယ့်


ပမာဏအများကြီးကို ဆက်တိုက်စားရင် ဝမ်းပျက်၊ဗိုက်နာရနိုင်ပါတယ်။ ဘယ်အစားအစာမဆို တန်ရင်ဆေး၊ လွန်ရင်ဘေးဖြစ်တယ်လို့ သတိရကြဖို့ အကြံပြုလိုက်ပါတယ်။


Credit#Hello ဆရာဝန်#ကျန်းမာရေး#ဆေးဖက်ဝင်