“ဇူလိုင်လအတွင်းကလည်း ကိုဂျင်မီ၊ ဖြိုးဇေယျာသော်အပါ ၄ ဦးကို သေဒဏ် စီရင်သည့်အပေါ် သွေးကြွေးဆပ်ပြီ”


“ဇူလိုင်လအတွင်းကလည်း ကိုဂျင်မီ၊ ဖြိုးဇေယျာသော်အပါ ၄ ဦးကို သေဒဏ် စီရင်သည့်အပေါ် သွေးကြွေးဆပ်ပြီ”

အင်းစိန်ထောင် ဗုံးပစ်တိုက်ခိုက်ခံရပြီးနောက် စစ်ဆေးမှုများတင်းကျပ်


ရန်ကုန်မြို့ အင်းစိန်ထောင်တွင် ယနေ့ နံနက်ပိုင်းက ဗုံးပစ်တိုက်ခိုက်ခံရသဖြင့် စစ်ကောင်စီတပ်ဖွဲ့ဝင်များ လုံခြုံ ရေးယူ စစ်ဆေးမှုများ လုပ်ဆောင်နေကြောင်း ဒေသခံ သတင်းရင်းမြစ်များထံမှ သိရသည်


ယနေ့နံနက် ၄ နာရီဝန်းကျင်က အင်းစိန်ထောင်ဘက်မှ ပေါက်ကွဲမှု အသံကျယ်ကျယ် ကြားခဲ့ရကြောင်းနှင့် နံနက် အစောပိုင်းမှ စကာ နေ့လယ်ပိုင်းအထိ အင်းစိန်ထောင်အနီးနားတဝိုက်ကို စစ်ဆေးမှုများ တင်းကျပ်စွာ ပြလုပ်နေကြောင်း ထောင်နားတွင် နေထိုင်သူများက ဆိုသည်။


အင်းစိန်မြို့ခံ တဦးက “ပေါက်ကွဲမှုက မနက်အစောကြီးက ဖြစ်တာ လေးနာရီ လောက်ရှိမယ်။ မနက်ကတော့ ပေါက်တောဝ နားမှာ ဆိုင်ကယ်တွေ စစ်တယ်။ မနက်စောစောကတည်းက စစ်ကြတာ” ဟု ဧရာဝတီသို့ ပြော သည်။


ထို တိုက်ခိုက်မှုကို ၄၀ မမ ဗုံးပစ်လောင်ချာဖြင့် ပစ်ခတ်တိုက်ခိုက်ခြင်း ဖြစ်ကြောင်းနှင့် ထောင်ဝန်ထမ်း တဦး ဒဏ်ရာ ရရှိခဲ့သည်ဟုသော သတင်းများ ထွက်ပေါ်နေသော်လည်း ဧရာဝတီအနေဖြင့် သီးသန့် အတည်ပြုနိုင်ခြင်း မရှိသေးပေ။


“ပေါက်ကွဲမှုရဲ့ အကျိုးဆက်ပဲ ပေါက်ကွဲအားက တော် တော်ပြင်းတယ်။ ပစ်မှတ်ကတော့ ထောင်ပဲ။ လုံခြုံရေးက အပြည့်ယူထားတယ် ထောင်အတွင်းရော အပြင်ရော” ဟု အကျဉ်းထောင်နှင့် နီးစပ်သူ တဦးကလည်း ဆိုသည်။


အဆိုပါ တိုက်ခိုက်မှုကို မည်သည့် အဖွဲ့က လုပ်ဆောင်သည် ဖြစ်ကြောင်း လတ်တလော ထုတ်ပြန်ထားခြင်း မရှိသေးပေ။


ပြီးခဲ့သည့် ဇူလိုင်လအတွင်းကလည်း ကိုဂျင်မီ၊ ဖြိုးဇေယျာသော်အပါ ၄ ဦးကို သေဒဏ် စီရင်သည့်အပေါ် သွေးကြွေး ဆပ်သည့်အနေဖြင့် အင်းစိန်ထောင် ဝန်ထမ်းလိုင်းခန်းကို လက်လုပ်ဗုံးဖြင့် ပစ်ခတ် တိုက်ခိုက်ခဲ့ကြောင်း United Resistance Force- URF က ထုတ်ပြန်ထားသည်။


>