အမေသိရင် စိတ်မကောင်း ဖြစ်နေမှာ


အမေသိရင် စိတ်မကောင်း ဖြစ်နေမှာ

ဒေါ်အောင်ဆန်းစုကြည်နေပြည်တော်တွင် တည်ထားသည့် ထာဝရငြိမ်းချမ်းရေး စေတီတော်စောင့်ရှောက်သူမဲ့နေသဖြင့် ပျက်စီးယိုယွင်းနေမှုများရှိနေသည်။


နေပြည်တော်လေဆိပ်သို့ သွားရာ အဓိကလမ်းမကြီးဖြစ်သည့် ရာဇသင်္ဂဟလမ်းပေါ်မှ အဝင်လမ်းမှာ ပျက်စီးနေပြီး သစ်တုံးများဖြင့် ပိတ်ထားသည်။ ထို့ကြောင့် စေတီတော်သို့ ဘေးဘက်ဝင်ပေါက်မှသာ ဝင်ထွက်နိုင်သည်။ စေတီတော် ပရိဝုဏ်အတွင်း ထားရှိသည့် ဒေါင်းရုပ်ကြီးများ၏ အောက်ခံကွန်ကရစ်များမှာလည်း ကွဲအက်နေသည်။


စစ်တပ်က အာဏာမသိမ်းမီ တစ်နှစ်ကျော် NLD အစိုးရလက်ထက်တွင် ၂၀၁၉၊ နိုဝင်ဘာတွင် ထာဝရငြိမ်းချမ်းစေတီ ထီးတော်တင်၊ ဌာပနာသွင်း အခမ်းအနားကို ခမ်းခမ်းနားနားကျင်းပခဲ့သည်။ အာဏာသိမ်းပြီးနောက် တစ်နှစ်ကျော်အတွင်း ဒေါ်အောင်ဆန်းစုကြည်အပါအဝင် ၎င်းတို့အား ဆန့်ကျင်သူများကို စစ်ကောင်စီက ဖမ်းဆီး၊ သတ်ဖြတ်နေချိန်၊ ပြည်သူများအကြား အကြောက်တရား ရေချိန်မြင့်နေချိန်တွင် ထာဝရငြိမ်းချမ်းရေးစေတီသို့ လာရောက်ဖူးမျှော်သူ နည်းပါးသည်ကို တွေ့ရသည်။


အခါကြီး၊ ရက်ကြီးများမှသာ ဘုရားဖူး များများလာလေ့ရှိသည်ဟု ဈေးသည်အချို့က ပြောသည်။ ထာဝရငြိမ်းချမ်းရေး စေတီကို နံနက် ၅နာရီမှ ည ၈ နာရီအထိ ပုံမှန်ဖွင့်လှစ်ထားသည်ဆိုသော်လည်း ဘုရားဖူးမရှိလျှင် အချိန်စော၍ ပိတ်တတ်သည်ဟု စုံစမ်းသိရှိရသည်။


Credit