“ဖောက်ပြန်တဲ့သူကို ပစ်ထားပြီး ပိုလှအောင်နေပါ“

2019-09-04 12:22:26


“ဖောက်ပြန်တဲ့သူကို ပစ်ထားပြီး ပိုလှအောင်နေပါ“

ချစ်သူ၊အိမ်ထောင်ဘက်က အခြားတစ်ယောက်ယောက်နဲ့ဖောက်ပြန်နေပြီဆိုရင် အသဲနာပြီး ဒေါသတွေထွက်၊ အပြစ်တွေအပြန်အလှန်တင်ရန်ဖြစ်၊အအ်ိပ်ပျက်အစားပျက်ပြီး ရုပ်ပျက်ဆင်းပျက်နဲ့ သေချင်လောက်အောင်စိတ်ဆင်းရဲကိုယ်ဆင်းရဲဖြစ်ကြရပါတယ်၊ အချို့ဆို ဘ၀ပျက်၊အနာဂတ်မဲ့တဲ့အထိ ဖြစ်ကြရပါတယ်။


ကျမအနေနဲ့အဲဒီလို မဖြစ်ကြစေလိုပါဘူး။ အရေးကြီးတာကတော့ ဖောက်ပြန်ခံရတဲ့အခါ ကိုယ့်အတွက် စိတ်ရောရုပ်ပါ ထိခို်က်မှု နည်းပါးစွာနဲ့ အလှမပျက်၊ ဘ၀မပျက်ဘဲနဲ့ ရှင်သန်နို်င်ဖို့ပါပဲ။


တကယ်တော့ ကျမတို့အမျိုးသမီးတွေက အိမ်ထောင်သက်တမ်းရလာတာနဲ့အမျှ အမျိုးသားတွေထက် အရွယ်ကျတာ မြန်ပါတယ်။ သားသမီးတွေ မွေးလိုက်ရတဲ့အခါ သွေးတွေအများကြီး ဆုံးရှုံးခဲ့ရတယ်၊ ကလေးများများ ယူလေ ရုပ်မြန်မြန်ကျလေပါပဲ၊ ဒါပေမဲ့ မိန်းမတို့ရဲ့မေတ္တာစိတ်နဲ့ သားသမီးကိုသာမက လင်ကိုပါ ကောင်းရာမွန်ရာအစားအသောက်တွေကျွေး၊ ကောင်းမွန်စွာ ၀တ်ဆင်ပေးပြီး ပြုစုရင်း ထိန်းသိမ်းတတ်ကြရပါတယ်။


ဒါကြောင့်လည်း အချို့မိန်းမတွေက အသက်ရလာတာနဲ့အမျှ အသားအရည်တွန့်တာ၊ အစားအသောက်မှာလည်း ခြိုးခြံတာတွေ၊ ကလေးငယ်ငယ်လေးနဲ့အိမ်မှုကိစ္စတွေစတဲ့ စိတ်ဖိစီးမှုတွေက အမျိုးသားတွေထက် ပိုခံစားကြရပါတယ်။ အမျိုးသားတွေကျတော့ အိမ်ထောင်သက်ရလာလေ စိုစိုပြေပြေနဲ့တင့်တယ်လာကြလေပါပဲ။


အမျိုးသားတစ်ယောက် အိမ်ထောင်ကျပြီးမှ အရင်ကထက်ပိုပြီး စိုပြေတင့်တယ်နေတယ်ဆိုရင် သူ့အမျိုးသမီးရဲ့ကျေးဇူးပါ၊ အမျိုးသမီးတစ်ယောက်ကလည်း အိမ်ထောင်ကျပြီးမှ ပိုလှလာတယ် ပိုတင့်တယ်လာတယ်ဆိုရင် သူ့အမျိုးသားရဲ့ကျေးဇူးပါ။


အဲဒီလို ပိုတင့်တယ်လာတဲ့အချိန်မှာ ကိုယ့်ဘ၀လက်တွဲဖော်ကိုပဲ ငြီးငွေ့သလိုလို၊ အသစ်ကိုပဲ တပ်မက်သလိုလိုနဲ့ ဖြစ်တတ်ကြပါတယ်ဒီနေ့ခေတ်မှာတော့၊အွန်လိုင်းက တွေ့တဲ့သူတိုင်းပျိုပျို အိုအို မသိ၊့စိတ်သာယာမှုရှာရင်း လူချင်းတွေ့ဖို့ကြိုးစားကြတယ်။အဲဒီအချိန်မှာ ကိုယ့်စိတ်ကိုယ်ကို မထိန်းနိုင်တဲ့သူတွေ၊ ကျေးဇူးတရားမသိတတ်တဲ့သူတွေ(ကျား/မ)က ဖောက်ပြန်တတ်ကြပါတယ်။


အိမ်ထောင်ရေးဖောက်ပြန်ပြီဆိုတာ ကိုယ့်ရဲ့လက်တွဲဖော်၊ကျေးဇူးရှင်အပေါ်သစ္စာဖောက်ခြင်းပါပဲ။အဲဒီလို သစ္စာဖောက်ခံရပြီဆိုရင် ရင်နာကြေကွဲပြီး ဘာလုပ်သင့်သလဲဆိုပြီး နီးစပ်ရာကို အကြံဥာဏ်တောင်းယူလေ့ရှိကြတယ်။


အချို့က ပြောတယ်၊ သစ္စာမဲ့တဲ့သူ စိတ်ပြန်လည်လာအောင် ပိုပြီး ဂရုစိုက်ပါတဲ့…


အချို့က ပြောတယ်၊ ဟိုတစ်ယောက်ကို တွေ့ပြီး ပြောကြည့် တောင်းပန်ကြည့်ပါလားတဲ့အချို့က ပြောတယ်၊ သားတွေသမီးတွေကို ပိုဂရုစိုက်ပြီး သူတို့ဘက်ပါအောင် လုပ်ခိုင်းပါတဲ့…။အဲဒီနည်းလမ်းတွေဟာ ကျမအမြင်မှာတော့ ခံရတဲ့သူအတွက် မတရားလှပါဘူး။


သူက အသစ်နဲ့ပျော်နေချိန်မှာ ကိုယ်က ကလေးတွေ ထိန်းပြီး စိတ်ဖိစီးမှုတွေနဲ့ အိမ်အလုပ်တွေနဲ့ စိတ်ဆင်းရဲကိုယ်ဆင်းရဲစွာ ဖြတ်သန်းရမှာလား၊


ပြီးတော့ …စိတ်ညစ်တိုင်း ဘာသာရေးလုပ်တယ်ဆိုဦးတော့ ကိုယ်က ၂၄ နာရီလုံးဘာသာရေးလုပ်ပြီး နေနိုင်သလား၊နေနိုင်တယ်ဆိုရင်တော့ အကောင်းဆုံးပေါ့။


ဒါကြောင့် အကြောင်းကြောင်းကြောင့် သစ္စာဖောက်ခံနေရပြီလို့ ခံစားမိတာနဲ့ အရင်ဆုံး လုပ်ရမှာက သူ့ကို လိုက်စူးစမ်းဖို့ ရန်လုပ်ဖို့ မလိုပါဘူး၊ သူ့ကို မျက်ခြေမပြတ်လိုက်ပြီး အကဲခတ်နေရတာလည်း မလိုပါဘူး၊ဟိုတစ်ယောက်ကို သွားတွေ့ပြီး တောင်းပန်စရာလည်း မလိုပါဘူး၊ ကလေးတွေမျက်နှာကြည့်ပါ သစ္စာမဖောက်ပါနဲ့လို့ ကိုယ့်အိမ်ထောင်ဘက်ကို ဒူးထောက် တောင်းပန်စရာမိလုိုဘူး။ အဲဒါတွေကို ကိုယ့်ကိုယ်ပိုပြီး ထိခိုက်နစ်နာစေပါတယ်။


ပြီးတော့ ဒေါသနဲ့စိတ်မကို မထိန်းနုိုင်ဖြစ်ပြီး သူ့ကို ရန်လုပ်ပြီး ကိုယ့်ကိုယ်ကို ထိခိုက်စေမဲ့ အလုပ်တွေ လုပ်နေမဲ့အစား အဆင်မြင့်တဲ့နည်းလမ်းနဲ့ ကိုယ့်ကိုယ်ကို ပြင်ဆင်လိုက်ပါ။


ဒါကြောင့်သစ္စာဖောက်ခံရပြီလို့သိလိုက်တာနဲ့ အရင်ဆုံး သူ့ကို ဂရုစိုက်ခဲ့တာတွေ ၊ပေးဆပ်အနစ်နာခံခဲ့တာတွေ အားလုံးကို လုံးဝ ရပ်ပစ်လိုက်ပါ။ ပစ်ထားလိုက်ပါ၊ ပစ်ထားခြင်းဆိုတာကလည်း ဥပက္ခာပြုခြင်းတစ်မျိုးပါပဲ။ သူ့အကြောင်း စဉ်းစားပြီး စိတ်ညစ်နေမဲံ့အစား မစဉ်းစားပါနဲ့ကိုယ့်ဘ၀တိုးတက်ဖို့ကို ပြောင်းပြီး စဉ်းစားလိုက်ပါ။


သူ့ရဲ့သစ္စာမဲ့မှုကြောင့်ကိုယ့်ရဲ့စိတ်ရော ရုပ်ပါ အထိခိုက်ခံနေမဲ့အစား၊ သူ့ကို ပိုဂရုစိုက်ပြီး သူ့ရှေ့မှာ ဒူးထောက်နေမဲ့အစား ကိုယ့်ကိုယ်ကို ပိုချစ်ပြီး ပိုကောင်းလာအောင် ပိုလှလာအောင် ပိုပြီး အရည်အချင်းတွေ တက်လာအောင် လုပ်လို်က်ပါ။


ဒါကြောင့်သစ္စာဖောက်တဲ့ နွားကို စားကောင်းသောက်ဖွယ်တွေ ချက်ပြုတ်ကျွေးစရာမလိုပါဘူး၊သားတွေ သမီးတွေနဲ့အတူတူ အစားအသောက်ကောင်းကောင်းစားပါ၊shopping ထွက်ပီး စိတ်ပျော်အောင်နေပါ၊ ခန္ဓာကိုယ်ကို ပြန်ထိန်းပါ။


လှအောင်ပြင်ဆင်ပြီဆိုတာနဲ့တင် စိတ်ပိုင်းဆိုင်ရာ တက်ကြွလန်းဆန်းမှုရှိစေပါတယ်။အစားအသောက်ကို ကောင်းကောင်းစားပါ(အ၀လွန်မဲ့အစားအသောက်တွေတော့ရှောင်ပါ)၊ ၀တ်စားဆင်ယင်မှုကို ဂရုတစိုက် ၀တ်ပါ။ ကျန်းမာရေးနဲ့အသားအရည်ပိုကောင်းအောင် အစားအသောက်ဂ၇ုစိုက်ပါ။ ခန္ဓာကိုယ် အဆီချပါ၊ သူငယ်ချင်းတွေနဲ့ ပိုတွေ့ပြီး ရယ်စရာတွေ ပြောပါ။ အဲဒီလို စိတ်ပိုင်းဆိုင်ရာ ပြန်လည် လန်းဆန်းလာပြီဆိုရင်တော့ကိုယ့်ဘ၀ရဲ့အရည်အသွေးတိုးတက်စေမဲ့ ကိစ္စတွေ ဆောင်ရွက်ပါ၊


သင်တန်းတွေ တက်ချင်ရင်လည်း တက်ပါ၊ (သင်တန်းတက်တာ၊ပညာ သင်တယ်ဆိုတာ အသက်အရွယ် အကန့်အသတ်မရှိပါဘူး) ကိုယ့်အရည်အချင်းတိုးတက်လာလေ ကိုယ့်ကိုယ်ကို ယုံကြည်မှုပိုရှိပြီး ဘ၀မှာ နေလို့ထုိုင်လို့ ကောင်းလာလေပါပဲ။


အဲဒီလို လုပ်ရင်းနဲ့တစ်ဖက်ကလည်း ကိုယ့်အလုပ်ထဲမှာ အလုပ်ကို ပိုအာရုံစိုက်လို့အလုပ်ထဲမှာအောင်မြင်မှုရလာရင်လည်း ကိုယ့်ဘ၀ကို ကျေနပ်ပြီး ဘ၀ဟာနေပျော်လာပါတယ်။


ကိုယ့်ရဲ့တိုးတက်ဖွံ့ဖြိုးမှုဟာ သားသမီးတွေအတွက်ရော ကုိုယ့်အတွက်ပါ ခွန်အားရော အင်အားပါ ဖြစ်စေမှာပါ။သားသမီးတွေကလည်း စိတ်ဓါတ်ကျပြီး ငိုနေမဲ့အမေမျိုးထက် ထက်ထက်မြက်မြက် နဲ့ အရာရာကို တည်ငြိမ် လှပစွာ ရင်ဆိုင်ဖြတ်သန်းမဲ့အမေကို ပိုပြီး လိုလားတတ်ကြပါတယ်။


ဖောက်ပြန်ခံရပေမဲ့ အရှုံး မပေး၊ စိတ်ဓါတက်မကျဘဲနဲ့ ကိုယ့်ကိုယ့်ကိုယ်ကိုရော ဘ၀ကိုပါ အရင်ကထက် ပိုလှအောင် နေပါလို့ဆိုချင်ပါတယ်။ရုပ်တင်မက စိတ်နဲ့ဘ၀ပါ လှအောင် ကြိုးစားပြောင်းလဲဖို့အကြံပြု တိုက်တွန်းချင်တာပါ။


ခုလိုကိုယ့်ကိုယ်ကို ပြောင်းလဲခြင်းဟာ သစ္စာဖောက်သူအပေါ် ဂလဲ့စားချေဖို့ မဟုတ်ပါဘူး၊ ကိုယ်ကလည်း နောက်အသစ်တစ်ယောက်နဲ့ ပျော်ပါးဖို့မဟုတ်ပါဘူး။


သစ္စာဖောက်တဲ့သူအတွက် စိတ်နဲ့ရုပ်သာမက ဘ၀နဲ့အနာဂတ်ကိုပါ အထိအခိုက်မခံဘဲနဲ့ လှလှပပကျော့ကျော့မော့မော့လေး ဖြတ်သန်း ကြစေချင်ပါတယ်။ ကိုယ့်ဘ၀ကို လှပအောင် ဖန်တီဖို့အတွက် ကိုယ့်မှာ တာဝန်အရှိဆုံးပါ။ဒါကြောင့် ကိုယ်ကိုယ်တန်ဖိုးထားပြီး ရင်ဆိုင်ပါ။


သစ္စာဖောက်ခံရပေမဲ့ ဘ၀ကို အရှုံးမပေးဘဲနဲ့တိုးတက်စွာနဲ့အောင်မြင်စွာ ဖြတ်သန်းရင်ဆိုင်စေချင်တာပါ။


ဒီနေရာမှာ ယောက်ျားရဲ့ဝင်ငွေကို မှီခိုနေရတဲ့ အမျိုးသမီးတွေအနေနဲ့လည်း ဖောက်ပြန်နေတဲ့ခင်ပွန်းကို ငွေကြောင့်သည်းခံပြီး ကြိတ်မှိတ်ပေါင်းနေရမဲ့အစား ကိုယ်ပိုင် ၀င်ငွေရရှိအောင်ကြိုးစားသင့်ပါတယ်။


အချို့က ထင်ကြပါတယ်။ ကိုယ်က စွန့်လွှတ်လိုက်ရင် ဟိုမယားငယ်က ပိုပျော်မှာပေါ့လို့ ယူဆကြပါတယ်၊ အဲဒီအယူအဆ အမြဲတမ်း မမှန်ပါဘူး။လူဆိုတာ…လိုက်ရင်…ပြေးတတ်တဲ့သဘာဝ ရှိပါတယ်၊ ကိုယ်က မလိုက်ဘဲနဲ့ နေတဲ့အခါ သူက ကိုယ့်နောက်ကို ပြန်လိုက်လာပါလိမ့်မယ်၊ အဲဒီအချိန်ကို လှလှပပ စောင့်ပြီး အောင်မြင်စွာ ဖြတ်သန်းလိုက်ပါ။


သစ္စာမဲ့သူကို ပေါင်းခြင်းမပေါင်းခြင်းဆိုတာ ကိုယ့်ရဲ့ဆုံးဖြတ်ချက်ပေါ်မှာမူတည်ပါတယ်။


မတူတဲ့အမြင်များရှိရင်လည်း ဆွေးနွေးဖို့ဖ်ိတ်ခေါ်ပါတယ်။


ကျေးဇူးတင်ပါတယ်ရှင်။


မေသင်္ကြန်ဟိန်(မြစ်မခ)