မြန်မာ့အခြေအနေ ပိုမိုဆိုးရွားလာမှုတားဆီးရေး ကုလ-အာဆီယံပူးပေါင်းကာ ချက်ချင်းအရေးယူဆောင်ရွက်ရန် ကုလအထူးကိုယ်စားလှယ်တိုက်တွန်း


မြန်မာ့အခြေအနေ ပိုမိုဆိုးရွားလာမှုတားဆီးရေး ကုလ-အာဆီယံပူးပေါင်းကာ ချက်ချင်းအရေးယူဆောင်ရွက်ရန် ကုလအထူးကိုယ်စားလှယ်တိုက်တွန်း

မြန်မာ့အခြေအနေ ပိုမိုဆိုးရွားလာမှုတားဆီးရေး ကုလ-အာဆီယံပူးပေါင်းကာ ချက်ချင်းအရေးယူဆောင်ရွက်ရန် ကုလအထူးကိုယ်စားလှယ်တိုက်တွန်း


မြန်မာနိုင်ငံအခြေအနေ ပိုမိုဆိုးရွားလာမှုကိုတားဆီးရေး ကုလသမဂ္ဂ-အာဆီယံ ပူးပေါင်း ဆောင်ရွက်မှုအပေါ်အခြေခံ၍ ချက်ချင်းအရေးယူဆောင်ရွက်ရန် ကုလသမဂ္ဂအထူးကိုယ်စားလှယ် Dr. Noeleen Heyzer က တိုက်တွန်းလိုက်သည်။


ကုလသမဂ္ဂအထွေထွေအတွင်းရေးမှူးချုပ်၏ အထူးကိုယ်စားလှယ်သည် ကမ္ဘောဒီးယားဝန်ကြီးချုပ်နှင့် အွန်လိုင်းမှတဆင့်တွေ့ဆုံဆွေးနွေးစဉ် ယင်းသို့ တိုက်တွန်းခဲ့ခြင်းဖြစ်သည်။



နိုင်ငံအနှံ့အပြားတွင် လေကြောင်းတိုက်ခိုက်မှုအပါအဝင် အရှိန်ဆက်လက်မြင့်တက်နေသော စစ်ဆင်ရေးများအပေါ် လွန်စွာစိုးရိမ်ကြောင်း ကုလအထူးကိုယ်စားလှယ်က ထုတ်ဖော်ပြော ဆိုသည်။


ထို့အပြင် မြန်မာပြည်သူများသည် တိုးတက်မှုနှင့် အကျိုးရလဒ်များကို အမှန်တကယ် မြင် တွေ့လိုပြီး လက်တွေ့ပြနိုင်သော မည်သည့်စိတ်ဆန္ဒကောင်းကိုမဆို ပြသရန်လိုအပ်ကြောင်း Dr. Noeleen Heyzer က ကမ္ဘောဒီးယားဝန်ကြီးချုပ်ကိုပြောသည်။


အာဆီယံနိုင်ငံခြားရေးဝန်ကြီးများနှင့် ဆွေးနွေးစဉ်က အလေးထားပြောကြားသကဲ့သို့ အထူးကိုယ်စားလှယ်သည် မြန်မာနိုင်ငံရှိ အဖွဲ့အစည်းအားလုံးနှင့် ယုံကြည်မှုတည်ဆောက်ရေးတွင် ဒေသတွင်းခေါင်းဆောင်၏ ယုံကြည်မှုကို အသိအမှတ်ပြုကြောင်း ထုတ်ဖော်ပြောဆိုသည်။


အာဆီယံ၏ဘုံဆုံးဖြတ်ချက် ၅ ရပ်ကို အရေးပေါ်အကောင်အထည်ဖော်ရေးအတွက် အဖွဲ့ဝင်နိုင်ငံ များ၏ ကြိုးပမ်းမှုကို မြှင့်တင်ရန်နှင့် မြန်မာပြည်သူများ၏ဆန္ဒအရ ငြိမ်းချမ်းသော၊ ဒီမိုကရေစီနည်းကျ၊ အားလုံးပါဝင်သော အနာဂတ်အတွက် မြန်မာဦးဆောင်သည့်လုပ်ငန်းစဉ်ကို အထူး ကိုယ်စားလှယ်က အလေးပေးပြောကြားသည်။



အထူးကိုယ်စားလှယ်သည် မြန်မာ့အရေးအတွက် အာဆီယံအလှည့်ကျဥက္ကဌနှင့် အာဆီယံ၏ မြန်မာနိုင်ငံဆိုင်ရာအထူးကိုယ်စားလှယ်တို့နှင့် အနီးကပ်ပူးပေါင်းဆောင်ရွက်မည်ဟုလည်း ထပ် လောင်းပြောကြားသည်။