ချန်ပီယံလိဂ်ဖလားတစ်ခါမှမရဖူးတဲ့အသင်းတွေထဲမှာ နိုင်ပွဲအများဆုံးအသင်းအဖြစ် အာဆင်နယ်ရပ်တည်နေ


ချန်ပီယံလိဂ်ဖလားတစ်ခါမှမရဖူးတဲ့အသင်းတွေထဲမှာ နိုင်ပွဲအများဆုံးအသင်းအဖြစ် အာဆင်နယ်ရပ်တည်နေ

အာဆင်နယ်အသင်းဟာ ချန်ပီယံလိဂ်ပြိုင်ပွဲတစ်လျှောက် ချန်ပီယံဆုဖလားတစ်ခါမှမရဖူးပေမယ့် နိုင်ပွဲအများဆုံးရယူနိုင်ခဲ့တဲ့အသင်းစာရင်းမှာ ထိပ်ဆုံးနေရာရပ်တည်နေပါတယ်။

ဂန္ထဝင်နည်းပြကြီး အာစင်ဝင်းဂါးလက်ထက်တုန်းက ကြီးမားတဲ့အောင်မြင်မှုတွေရယူခဲ့သလို ရာသီတိုင်းလိုလိုချန်ပီယံလိဂ်ဝင်ခွင့်ရယူခဲ့တဲ့ အာဆင်နယ်အသင်းဟာ အာစင်ဝင်းဂါးမရှိတော့တဲ့အချိန်ကစလို့ ဆိုးဆိုးရွားရွားကျဆင်းသွားပြီး

အခုရာသီမှာ ၁၉၉၅-၉၆ ရာသီနောက်ပိုင်း ပထမဆုံးအကြိမ်အဖြစ် ဥရောပပြိုင်ပွဲဝင်ခွင့်တစ်ခုမှ မရခဲ့ပါဘူး။

အာစင်ဝင်းဂါးကိုင်တွယ်ခဲ့တုန်းက ၂၀၀၅-၀၆ ရာသီ ချန်ပီယံလိဂ်ပြိုင်ပွဲမှာ အသင်းသမိုင်းတစ်လျှောက်ပထမဆုံးအဖြစ် ဗိုလ်လုပွဲတက်ရောက်ခဲ့ပြီး

ဘာစီလိုနာကို ရှုံးနိမ့်ခဲ့လို့သာ ဒုတိယနေရာနဲ့ကျေနပ်ခဲ့ရတဲ့ အာဆင်နယ်အသင်း ၂၀၁၆-၁၇ ရာသီနောက်ပိုင်းကတည်းက ချန်ပီယံလိဂ်ဝင်ခွင့်မရတော့တာ အခုဆိုရင် (၅)ရာသီအထိကြာမြင့်နေပါပြီ။

ဒါပေမဲ့ အာဆင်နယ်အသင်းဟာ ချန်ပီယံလိဂ်ဖလားမရဖူးတဲ့အသင်းတွေထဲမှာ နိုင်ပွဲအများဆုံးရယူခဲ့ပြီး (၈၃)ပွဲနဲ့ ထိပ်ဆုံးနေရာရပ်တည်နေတာဖြစ်ပါတယ်။

သူတို့အသင်းနောက်မှာတော့ ပြင်သစ်ထိပ်သီးကလပ် PSG အသင်းက (၆၆)ပွဲနဲ့ ဒုတိယလိုက်နေပြီး ဒီညကစားမယ့် ကလပ်ဘရုချ်နဲ့ပွဲမှာ အနိုင်ရခဲ့ရင် (၆၇)ပွဲမြောက် ချန်ပီယံလိဂ်နိုင်ပွဲရယူနိုင်မှာဖြစ်ပေမယ့် အာဆင်နယ်ကို လိုက်မီဖို့တော့ အလှမ်းဝေးနေဆဲပါပဲ။

ဒီနှစ်သင်းပြီးရင် ပြင်သစ်နာမည်ကျော်ကလပ် လိုင်ယွန်နဲ့ ပရီးမီးယားလိဂ်လက်ရှိချန်ပီယံမန်စီးတီးအသင်းတို့က (၅၈)ပွဲ၊ (၄၉)ပွဲစီနဲ့ အဆင့်(၃)၊ အဆင့်(၄)နေရာတွေမှာ အသီးသီးရပ်တည်နေတာပါ။

မန်စီးတီးအသင်းဟာ ပြီးခဲ့တဲ့ရာသီက အသင်းသမိုင်းတစ်လျှောက် ပထမဆုံးအကြိမ်ချန်ပီယံလိဂ်ဗိုလ်လုပွဲတက်ရောက်ခဲ့ပေမယ့် နိုင်ငံတူကလပ် ချယ်လ်ဆီးကို (၁-၀)ဂိုးနဲ့ ရှုံးနိမ့်ခဲ့လို့သာ ချန်ပီယံလိဂ်ဖလားမျှော်လင့်ချက်အဆုံးသတ်ခဲ့ရတာဖြစ်ပါတယ်။